اسمع همسى

بقلم : عبير الجندي

اسأل قلبي
اسأل عمري
اسأل روحي
قبل ما اقولك
إن الهوا
والشوق والبعد
فيضهم
خلا ضلوعى
تولع فيه جروحى
قبل ما اقولك
إن رسول الحب
صاحبني
وقال لى :
معاكي
فين ما تروحى
قبل ما اقولك
إن هواك
يوم مايزورني
خدنى لفوق
وياه ف سماه
طير بيغنى
أحلى مناه
خفف عنى
وجع الليل
ودموع الحب
وخلى الشجى
نغمات القلب
عشت الناى
بيقول أوجاعى
لما يفجر
حسى الواعى
بصخر البعد
نشرب
نطفى الظما
ف وريدنا
ويصبح عيدنا
بجد بجد
وانا قدامك
بين احضانك
لمس القلب
عنيك وناداك
يترجاك
توفى بوعدك
يوم من سعدك
تبقى الدنيا
خلاص ف اديه
مستنية ضحكة
تعلى الحب لفوق
بيها يدلع
نبض الشوق
اسمع همسى
ف رمشى كلام
جدف حتى الروح
تخضع لك
تبقى سلام
خلى الدهشة
ساعات تسعالك
مش أحلام
خدها حقيقة
إنى رقيقة
مش أوهام